【水晶大迷信】水晶手鏈斷掉是壞預兆嗎? 水晶能量會消失嗎? 舊水晶處理要用紅紙包住埋在土裡丟嗎? 水晶要跟五行嗎? 水晶會相剋/相冲嗎?

水晶是可信而不要迷！ 戴水晶係求自身安樂, 而不是被製造冇邏輯的說法, 而令水晶增添其神秘感！ 今次就是要打破一大推水晶大迷信謬論, 例如: 水晶斷掉, 又話是壞預兆, 最好買過另一條！ 水晶放久了, 又話無電死左！ 不要的水晶, 又要用黃/紅紙包住, 再埋入地下！ 水晶顏色又要跟五行, 否則衰運不絕！ 又不能亂配搭水晶, 因水晶有相沖相剋！

問題 1.水晶手鏈斷掉是壞預兆嗎?

1.1) 水晶手鏈斷掉了代表甚麼?

有些客人說: 我條水晶手鏈斷掉咗線呀!
- 係唔係有事發生呀?
- 係咪因為條水晶手鏈幫我擋咗啲咩野啊?
- 係唔係條水晶手鏈斷掉是唔好壞兆頭呀?

1.2) 手鍊斷掉或破珠子的大迷信謬論😈

❌水晶手鏈如果斷掉，他幫你擋掉ㄧ些不好事情犧牲自己幫助主人，或者你的守護天使他去幫別人了，他的責任已經完成。手鍊斷了靈就會飛走，水晶手鍊都會陪大家「一段時光」，並非一直陪著大家。老實說我並不鼓勵重穿鏈子，因為他該斷就該斷，因為他幫你擋劫難，但是有些事他該斷的時候，你硬把他穿起來，那麼靈走了你也不知道.❌❌

1.3) 水晶手鏈斷掉了代表甚麼的真實答案係:

大家唔使驚 ！水晶係由水晶線造成㗎嘛！

但係因每個人戴水晶手鏈的操守都唔同嘅. 

咁有啲人好似我咁, 又可能戴幾年水晶手鏈都唔會斷嘅！

但系有啲人好可能唔知點解去咗邊度/ 又或者唔知點樣戴法/又或者可能大力過頭/ 又或者去咗做gym/ 又或者唔知去邊度玩完之後/ 又或者條水晶線霉左~ 咁條水晶線咪意外咁斷了！這是唔出奇㗎嘛, 呢個係一個"物理現象"！

1.4) 水晶手鏈斷掉應該要怎處理呢?

1.4.1) 換水晶線:

執返D水晶,  換過條水晶線就得㗎啦！

我本身Youtube入邊都有一條"教你哋換水晶線" 嘅影片. 其實戴水晶鏈, 係必要去學識換水晶線嘅, 方便自己嘛, 係一技之長！
https://newagecrystal.hk/blogs/knowledge/change-chain

1.4.2) 用鼠尾草薰"令"條水晶鏈:

咁如果再唔安心嘅 , 再去用啲鼠尾草淨化條水晶鏈, 因為鼠尾草薰啲水晶嗰陣時, 你會發覺啲水晶呢係會明顯令咗嘅！

咁你可以去睇翻我另外條youtube片~我係現場薰條水晶手鏈俾你睇架！
https://newagecrystal.hk/products/%e9%bc%a0%e5%b0%be%e8%8d%89

問題 2) 水晶能量是會消失嗎?

水晶係咪會冇電㗎, 即是水晶能量會消失嗎? 好多時啲人話戴戴下水晶手鏈, 要再換過另一條水晶手鏈, 因為條水晶冇曬電呀!

2.1) 水晶能量是會消失的答案:

如果水晶會冇能量之話, 即係話佢冇電啦, 你係冇辦法去分解任何水晶嘅.

就好似一條死屍咁樣, 都仍然有能量嘅, 否則你唔可以將條屍化成灰㗎！

就算我哋而家坐嘅櫈 ,或者係檯 , 係由個樹木造成的 , 咁製成品雖已經不會成長了, 但佢仍然存在能量的. 否則佢亦唔可以被燒成灰嘅！

萬物包括水晶和我哋自己 ,都係一個能量體. 而水晶的能量 ,系比我哋人體能量更加穩定的.

2.2) 怎樣維持水晶能量?

所以平時戴住水晶手鏈, 只需要保持正能量, 同埋你番屋企嗰陣時 , 去淨化吓條水晶手鏈.

咁點樣去淨化水晶手鏈咧?

就要視乎你係同邊個賣家買. 因為每個賣家可以對水晶嘅了解 、認識, 同埋背景都唔同 ,好可能不同賣家會教你唔同嘅方法, 來淨化你條水晶手鏈的.

你淨化咗條水晶手鏈之後, 它就會保持非常之有活力 ,或者有動力的.

又或者你可以到以下網址, 參考怎樣淨化水晶 ~
https://newagecrystal.hk/blogs/knowledge/purify-crystals

2.3) 總覺得自己條水晶手鏈好似無電, 應怎做?

總覺得自己條水晶手鏈好似無電, 係因為你無成日同你條水晶手鏈, 做適當連結程序, 或你沒有把條水晶手鏈淨化, 所以令到條水晶手鏈能量, 只不過暫在" 靜止"狀態的. 水晶係唔會冇電的!

問題 3) 舊水晶處理應要用黃/紅紙包住, 再丟到泥土中嗎?

3.1) 舊水晶處理是否需要用黃/紅紙包住, 再丟到泥土中嗎?

或作特別處理的答案係:

你唔需要擋一條水晶手鏈係一個佛像咁樣, 水晶手鏈唔係一個聖物嚟嘅！

水晶手鏈係一條水晶能量體,  我想問吓你, 若你唔想要一個電話充電寶時, 你又點處置呢?

其實處理舊水晶, 又如處理一個電話充電寶. 如果你唔想要嘅, 你可以就放條水晶手鏈在一邊, 又或者就咁揼咗條水晶手鏈都得嘅, 這是冇問題㗎!

問題 4) 水晶係咪要跟五行選擇?

咁譬如話 , 有客講:「我個命理師傅同我講 , 我唔啱黃色的, 我唔戴得黃色水晶㗎喎！」

4.1) 水晶係咪要跟五行選擇的答案係:

首先 , 用五行嚟解釋水晶 , 唯一只在一個中國社會才會存在的！五行係一個中國人嘅理論 , 與道家嘅"左入又出"的理論一模一樣, 都係中國人的社會才會用的.

水晶係一個能量體,  所以應該比較貼切, 就是用"能量學"去做解釋吧！

咁譬如話, 好多黃色嘅水晶類, 佢哋的功能, 就係發出黃色嘅光, 就係同我哋人體的臍輪, 發出嚟個黃色,才可以連結到的. 連結咗之後, 水晶能量係會打通到你個財氣的. 

如果你拒絕黃色水晶類之話, 即係話你拒絕在你氣場中,  發揮出財氣.

其實如果你擋嗰條水晶手鏈, 係一條普通飾物, 你當然可以跟五行的說法, 最好就唔好戴黃色飾物啦！但係, 如果你用一個"能量學"說法嚟講, 又點解唔帶得黃色啫?!

又譬如話 我哋個心輪發出嚟嘅光, 一係粉紅色 ,一係綠色.

若你個命理師傅話你, 唔啱粉紅色水晶或者唔啱綠色水晶, 咁你咪唔可以 ,有任何水晶刺激到你嘅心輪, 而發出到一啲愛情嘅光囉! 咁你又點招桃花呀?!

我相信這又係顛覆咗, 你哋一般對水晶嘅諗法！

問題 5) 水晶會相剋/相沖嗎?

有客問: 金運石係咪可以食咗其他嘅水晶能量?

即係話有啲水晶, 係唔係會同另外一啲水晶, 會產生衝突嗎? 或者甚至係食咗一齊戴的水晶能量嗎?

5.1) 水晶會相剋相沖嗎的答案係?

水晶會相沖相剋/互食水晶能量, 絕對唔係一個邏輯的講法！

大家試諗下, 我哋萬物, 都係能量體. 若如果水晶嘅能量體 , 可以食到其他嘅水晶能量體的說法, 是成立的, 那~

第一, 我哋自己本身能量體咁大個 , 我哋發出嘅能量係好大的, 咁即係話, 任何水晶手鏈戴在我哋身上, 包括金運石, 我哋本身都可以食曬任何水晶的能量了!

第二, 如果同類嘅能量體 , 可以互食之話; 咁你見到好多細樹, 企起大樹嘅身邊嗰陣時, 咁啲大樹咪食哂細樹嗰啲能量咯?！

萬物都係能量體, 係會在某一個程度下, 互相影響或者交接的. 但並唔代表 , 即係"能量體 A" 可以食咗"能量體 B" 㗎嘛!

如果呢件可以能量互食之事, 真係成立之話 , 咁萬物就會失去咗自然嘅平衡, 我同你都無一倖免. 好可能, 你本身又重過我,  又高過我, 你行埋黎時, 就會食哂我啲能量, 我就應會死左好耐啦!

因此結論係,  金運石或者其他另外的水晶, 都冇可能同其他任何另外嘅水晶, 會產生一啲好大嘅衝突, 或者大家會互食對方嘅能量,  所以可以一齊戴嘅, 不會存在水晶會相剋相沖的問題.

【水晶大迷信】水晶鏈斷掉唔吉利? 水晶會日久無能量變無效嗎? 要神聖處理不要的水晶? 水晶要跟五行? 水晶真有相剋嗎~有些水晶好霸道, 會吞食其他水晶能量?
https://youtu.be/TnPvLAu3Z_E

 

伸延閱讀: 

【水晶大迷信】戴水晶都有錯?水晶是呃人騙局?網民怒斥咁多人對水晶迷信和天真!- 香港水晶店推薦

https://newagecrystal.hk/blogs/水晶知識/水晶大迷信-戴水晶都有錯-水晶呃人騙局

【水晶大迷信 】水晶唔可以被人掂到踫到摸到?| 水晶唔可以被別人掂到, 包括自己人?| 水晶比人掂到 , 又怎處理?| 香港水晶店推薦| 水…

https://newagecrystal.hk/blogs/水晶知識/水晶大迷信-水晶被人掂到踫到摸到-水晶比人掂到又怎處理

嶄新角度, 認識如何選擇適合自己的水晶, 水晶大小與能量功效, 水晶手鏈應戴左手還是右手-香港水晶店推薦

https://newagecrystal.hk/blogs/水晶知識/如何選擇適合自己的水晶-水晶大小與能量功效-水晶左右手