【水晶大迷信 】水晶係唔係真係唔可以被人掂被人踫或被人摸到? 若水晶唔可以被別人掂到, 係唔係包括自己人? 若水晶比人掂到 , 又怎處理呢? 香港水晶店主Fiona就同你破解今次的水晶大迷信.

我係連登見到一個post, 水晶係唔係唔可以被人掂到踫到摸到?! 笑到我痴左線! 原文如下:

（水晶撚）同女朋友扑野，掂到佢條水晶手鏈就要停。。。。。。 - LIHKG

我女朋友跌咗入水晶坑都差唔多1年幾，成屋企放晒水晶，一時同我講要買咩月亮太陽，一時同我講咩草莓粉晶，重有好多我唔記得。

佢話我知，水晶唔可以比其他人掂到，唔可以比水晶暴露於一個有負面既氛圍。因為我同佢住埋一齊，叫我日日都要保持良好心情，咁先唔會有我既負面氣場影響到啲水晶。

有次我返完工比老闆大大聲diu完我，心情極差，返屋企佢係咁哦我要同水晶say hello ,要讚美水晶，要點要點，我個下真係極燥底，一下忍唔住講咗啲對水晶「不敬」既說話，結果女朋友個日嬲到咩咁，隔日同我講分手。

呢啲都算，係性生活上，大家需求都夾到，但個問題係，我都唔知係我同佢扑野定佢同水晶扑野，佢成手帶水晶，咁做緊既時候難免肢體接觸啩，我hi一hi到佢隻手，佢又唔爽了，有1 2 次都係因為咁stop咗，真係唔係好知，水晶夠竟係咩一回事？係入面住咗神仙定點？

水晶係唔係唔可以被人掂到踫到摸到?!

咁E件事係講咁乜野呢?！

人與人的氣場係可以互相接觸, 吸引、交接,甚至排斥！

你又冇留意, 有D人你特別有好感? 因大家接觸時, 大家的氣場就好似一個探測器 detector, 氣場啱 key, 自然大家就會開始有好感！如果非常唔啱 key, 你就會覺得, 見佢前面, 就冇明地想打佢後面.

大家有帶/冇帶水晶, 都無可避免,會同其他人氣場,不停地交流. 又咁講呀, 如果你唔鐘意佢, 唔好話佢摸你水晶, 連你自己都唔會被佢摸啦！

咁你水晶被唔鐘意的人摸到時, 你同你水晶會發生乜野事呢？

首先, 你對他人產生不好感時, 你個氣場已產生一D負面能量.

而水晶是氣場接收和放射訊息放大器

佢一摸你水晶時, 你會更嬲! 你E個情緒係會充斥係你氣場中.

若你覺得佢會污染你水晶時, 你不如再諗多一層, 你自己不滿的情緒已污染左自己嘅氣場.

水晶同你的氣場, 都係能量體. 而水晶的能量場係穩定過人類的氣場.

當被你唔鐘意嘅人摸你水晶時, 佢可能有帶負能量/又或冇帶負能量的,就算佢真有帶負能量, 水晶本身穩定的能量場, 係會卸走D負能量, 係入唔到D水晶處, 只係會遺留係水晶表面!

反之, 你那時因唔高興, 你自己的氣場會被你自己情緒污染.

水晶比人掂到又怎處理?

若你的水晶比人掂到, 我會建議你處理的方法就是, 可以重新淨化水晶.

而淨化方法, 你可以問番自己水晶賣家, 因每個賣家都有自己的諗法, 來教你水晶淨化的, 而今次我們的題目唔係講水晶淨化哦！

通過淨化水晶的過程, 你會洗走水晶表面遺留的負能量, 而且最重要, 你透過這個淨化水晶過程,你感覺會平靜番, 咁你氣場會變回穩定的.

水晶唔可以被別人掂到, 包括自己人?

水晶係唔係唔可以被別人掂到, 包括自己人?

對情侶, 夫妻,家人, 你喜歡的人摸你水晶時, 係唔係都要避忌呢? 當然唔使啦！

例如 情侶, 夫妻間已有很多肢體接觸, 你們的氣場已不斷近距離地交流和交接, 就算有沒有帶水晶, 大家的正面/負面能量已經不斷交流梗, 咁被佢地摸一摸水晶, 又會有甚麼關係呢！

水晶穩定的能量係唔會吸收人類的負能量, 反之你自己的氣場, 才會被人家和自己的負能量影響.

【水晶大迷信 】水晶唔可以被人掂到踫到摸到?| 水晶唔可以別人掂到, 包括自己人?| 水晶比人掂到, 又怎處理?|
https://youtu.be/UHtbK9LOefE

伸延閱讀 :

1. 【水晶大迷信】水晶手鏈斷掉是壞預兆嗎? 水晶能量會消失嗎? 舊水晶要用紅紙包住埋在土裡丟嗎? 水晶要跟五行嗎? 水晶會相剋/相冲嗎?

https://newagecrystal.hk/blogs/水晶知識/水晶大迷信

 

2.  【水晶大迷信】戴水晶都有錯?水晶是呃人騙局?網民怒斥咁多人對水晶迷信和天真!- 香港水晶店推薦

https://newagecrystal.hk/blogs/水晶知識/水晶大迷信-戴水晶都有錯-水晶呃人騙局

 

 3. 嶄新角度認識【如何選擇適合自己的水晶】應由心態開始| 水晶大小與能量功效| 水晶手鏈應戴左手還是右手-香港水晶店推薦

https://newagecrystal.hk/blogs/水晶知識/如何選擇適合自己的水晶-水晶大小與能量功效-水晶左右手